Bandaríska tónlistarkonan Taylor Swift hefur ákveðið að fresta tónleikum sínum sem áttu að fara fram í Ríó í Brasilíu í kvöld vegna mikils hita í borginni.
Swift hélt tónleika í Ríó í gær, en þá var einnig mjög heitt í borginni. Einn ungur tónleikagestur, 23 ára kona, fór í hjartastopp á tónleikunum og lést. Rannsókn á andlátinu er hafin.
Swift hefur tjáð sig um málið á samfélagsmiðlinum Instagram. Þar segist hún vera niðurbrotin yfir andlátinu og vottar fjölskyldu og vinum konunnar samúðarkveðjur.