Hótelerfinginn Paris Hilton fagnar því um þessar mundir að rétt um 17 ár eru liðin frá því að hún og poppprinsessan Britney Spears sköpuðu sjálft sjálfu-æðið, sem hefur í dag tekið yfir samfélagsmiðla. Árið 2006 tók Hilton myndir sem áttu eftir að breyta öllu að hennar mati og rifjaði hún upp stóru stundina á Instagram-reikningi sínum á dögunum.

Hilton birti þrjár myndir af sér ásamt Spears, sem voru báðar á hápunkti frægðar sinnar þegar þær voru teknar. Hilton var í aðalhlutverki í raunveruleikaþáttunum The Simple Life, en þeir voru sýndir á árunum 2003 til 2007, og Spears var eitt stærsta nafnið í tónlistarheiminum. 

Fylgjendur Hilton voru margir hverjir ekki alveg sammála þessari staðhæfingu stjörnunnar og sögðu hana ekki fara með rétt mál, sem er sögulega rétt. Hilton á ekki heiðurinn af sjálfunni eða sjálfsmyndinni, en hún kynti mögulega undir sjálfu-æðið sem hefur aðeins aukist undanfarin ár með tilkomu snjallsíma.

Fyrstu sjálfsmyndina tók ungur maður að nafni Cornelius á herrans árinu 1839. Hann var þrítugur að aldri þegar hann smellti mynd af sér í bakgarði í Philadelphiu að vetri til.

Tengdar fréttir

Instagram

Rakel María og Guðmundur ástfangin í Kólumbíu

• Ástin blómstrar hjá Freyju og David
• Sláandi lík föður sínum
• Katrín Edda og Markus fagna 3 ára brúðkaupsafmæli
• Instagram: Töff í tauinu og topplausir

» Fleiri tengdar fréttir

• Blogga um frétt