Forráðamenn Hollywood-umboðsskrifstofunnar UTA hafa rift samningi við Óskarsverðlaunaleikkonuna Susan Sarandon í kjölfar þess að hún tjáði sig um átökin á Gasa á mótmælum í síðustu viku. Leikkonan er sögð hafa hneykslað og móðgað með tali sínu, en Sarandon, þekktur aðgerðarsinni, hefur opinberlega gagnrýnt aðgerðir Ísraela. 

Hundruð manna mótmæltu í New York-borg í síðustu viku og hlýddu á Sarandon. „Það er fullt af fólki í heiminum sem óttast það að vera gyðingur á þessum tímum, en það er að fá smjörþefinn af því hvernig það er að vera múslimi í þessu landi,“ sagði leikkonan, sem reitti marga til reiði með þessum ummælum sínum. 

Talsmaður UTA sagði í samtali við Page Six að Sarandon væri ekki lengur á þeirra snærum, en leikkonan sem er þekkt fyrir hlutverk sín í kvikmyndum á borð við Thelma & Louise, The Witches of Eastwick og Dead Man Walking, hafði starfað með umboðsskrifstofunni frá árinu 2014. 

Tengdar fréttir

Poppkúltúr

Chris Brown vill fá 500 milljónir bandaríkjadala

• Deilur Lively og Baldoni ná nýjum hæðum
• Gæti fengið allt að 24 ára dóm
• Fylgjendur Katie Price með áhyggjur
• Gaf fötin sín í þágu góðgerðarmála

» Fleiri tengdar fréttir

• Blogga um frétt