Hljómsveit Ragnars Þórs Ingólfssonar, formanns VR, gaf frá sér nýtt lag í vikunni. Hljómsveitin heitir Fjöll og nýja lagið heitir Lengi lifir. Tónleikar eru í vændum hjá sveitinni. 

Þetta er þriðja lagið sem hljómsveitin Fjöll sendir frá sér en hljómsveitin er alls ekki sú fyrsta sem Ragnar Þór spilar með. Ragnar Þór spilaði með hljómsveitunum Guði gleymdum og Los á tíunda áratug síðustu aldar. 

Hljómsveitin Fjöll. Ljósmynd/Aðsend

Hljómsveitin er vel skipuð en ásamt Ragnari Þór eru þeir Guðmundur Freyr Jónsson gítarleikari í hljómsveitinni, Guðmund­ur Ann­as Árna­son söngv­ari, Snorri Gunn­ars­son gít­ar­leik­ari og Krist­inn Jón Arn­ar­son bassa­leik­ari. 

Þeir Guðmundur Annas, Snorri og Kristinn Jón hófu samstarf sitt í hljómsveitinni Soma á tíunda áratugnum og komu aftur saman árið 2021. Hægt er að sjá hljómsveitirnar tvær, Fjöll og Soma, spila á Ölveri þann 8. desember næstkomandi. 

Tengdar fréttir

Tónlist

Plata Báru valin með þeim markverðustu hjá The New Yorker

• „2025 verður mitt ár!“
• Daddy Yankee sakar fyrrverandi um stuld
• Myndaveisla: IceGuys trylltu lýðinn
• Húbbabúbba bætist í hóp flytjenda

» Fleiri tengdar fréttir

• Blogga um frétt