FÁSES tekur ekki afstöðu um sniðgöngu Eurovision
Setja bókamerki
Tengdar fréttir
Eurovision
/frimg/1/53/24/1532482.jpg)
Eurovision-aðdáendaklúbburinn FÁSES tekur ekki afstöðu um ákvörðun Ríkisútvarpsins að hætta ekki við þátttöku Íslands í Eurovision árið 2024 verði Ísrael ekki vísað úr keppni, þar sem félagið á að vera ópólitískt. Félaginu þótti aftur á móti eðlilegt að Rússum yrði vikið úr keppninni í kjölfar innrásarinnar í Úkraínu.
Fleiri en 4.000 manns hafa skrifað undir undirskriftalista sem skorar á Ríkisútvarpið að neita þátttöku Íslands verið Ísrael ekki vísað úr keppni vegna stríðsins á Gasaströndinni. Stefán Eiríksson útvarpsstjóri sagði í viðtali í kvöldfréttum Rúv að þátttaka Íslands í keppninni hefði ekkert hafa með pólitíska afstöðu að gera.
Félag áhugafólks um Söngvakeppni evrópskra sjónvarpsstöðva (FÁSES) er opinber aðdáendaklúbbur um Eurovision-söngvakeppnina og tilheyrir alþjóðlegu aðdáendasamtökunum OGAE.
„Ópólitísk samtök aðdáenda“
„Stjórn FÁSES fordæmir öll ofbeldisverk og brot á mannréttindum. Stjórnin vill koma því áleiðis að félagið er ópólitísk samtök Eurovision aðdáenda. Samkvæmt samþykktum FÁSES er félagið vettvangur áhugafólks um Eurovision til að deila áhuga sínum á keppninni í blíðu og stríðu,“ segir í ályktun stjórnar FÁSES frá 7. desember, sem félagið deildi með mbl.is en formaður félagsins gaf ekki kost á sér í viðtal.
„Stjórn FÁSES tekur ekki afstöðu til áskorana um sniðgöngu Eurovision 2024. Kjósi Rúv að senda fulltrúa á Eurovision 2024 mun FÁSES, eins og hin fyrri ár, standa þétt að baki íslenska framlaginu. Stjórn FÁSES virðir afstöðu félaga til málsins,“ segir að lokum.
FÁSES vildi Rússa úr leik
Þess má geta að Rússlandi var vísað úr keppninni í kjölfar innrásar þeirra í Úkraínu. Til stóð að leyfa Rússum að taka þátt að óbreyttu árið 2022. Var þeim þó að lokum hent úr keppninni eftir að Finnar hótuðu að draga þátttöku sína til baka vegna ákvörðunarinnar.
Árið 2022 ræddi Hildur Tryggvadóttir Flóvenz, þáverandi formaður FÁSES, við mbl.is og sagði að félaginu þætti það eðlilegt að Rússum yrði vísað frá keppninni í kjölfar innrásarinnar.
„Við tökum alltaf skýra afstöðu gegn ofbeldi og mannréttindabrotum,“ sagði Hildur við mbl.is árið 2022. „Okkur þætti alveg eðlilegt að Rússum yrði vikið úr keppni.“
Lengi deilt um þátttöku Ísraelsmanna
Deilur Ísraela og Palestínumanna koma gjarnan til umræðu í kring um Eurovision og hefur þátttaka Ísraelsmanna í keppninni verið margumdeild í gegn um árin.
Seint mun það gleymast þegar liðsmenn Hatara, framlags Íslendinga til Eurovision árið 2019 í Tel Avív í Ísrael, veifuðu palestínska fánanum þegar þeir fengu stig. Ríkisútvarpið þurfti að greiða sekt vegna atviksins.
Tengdar fréttir
Eurovision
Björgunarsveitir kallaðar út í nótt
Æskuvinir sem fóru í víninnflutning frá Georgíu
Skoða ráðstafanir vegna mikillar kuldaspár
Spá 13-18 stiga frosti í borginni
Strandveiðar „efnahagsleg sóun“
Fuglager í Grindavík: „Þetta var bara pínu magnað“
Ekkert ferðaveður og vegalokanir á jóladag