Rúrik vann þýska sirkuskeppni með brotna hönd
Setja bókamerki
Fyrrverandi knattspyrnumanninum og IceGuys-stjörnunni Rúrik Gíslasyni er margt til lista lagt en hann gerði sér lítið fyrir og sigraði í sirkuskeppni í þýska sjónvarpsþættinum Stars in the Menège – með brotna hönd!
Í byrjun desember var greint frá því á mbl.is að Rúrik hefði brotið á sér höndina við upptökur á sjónvarpsþættinum. Atvikið átti sér stað þar sem hann lá á gólfinu og hélt á manni, en við það gaf höndin sig og brotnaði. Hann fór því beint upp á spítala og fékk gifs.
Breyttu rútínunni eftir óhappið
„Sirkuskeppni? Af hverju ekki! Í gær var þýski sjónvarpsþátturinn Stars in the Menège sýndur á @sat.1. Ég var meðal keppenda og skemmti mér konunglega. Því miður braut ég á mér höndina á æfingu fyrir þættina en við náðum að breyta rútínunni og halda áfram. Við enduðum meira að segja á því að vinna,“ útskýrir Rúrik í instagramfærslu sem hann birti í kjölfar sigursins.
Með færslunni birti hann myndaröð frá keppninni, en á fyrstu myndinni má sjá Rúrik halda á og kyssa gríðarstóran bikar með sirkustjaldi sem hvílir á brotnu hendinni. Þá má einnig sjá myndband af atriðinu.
„Tímabil aukinnar eldvirkni“
Barn lést í árásinni
Skattamál verði líklega „þeirra mesta klemma“
„Mér finnst gamla Samfylkingin komin aftur“
Alvarleg netárás á Wise
Fyrsti blaðamannafundurinn í heild sinni
Víkingar komnir yfir 800 milljónir í greiðslur
Þetta eru ráðherrar ríkisstjórnarinnar
