Er Rúrik á leiðinni í Eurovision?
Setja bókamerki
Tengdar fréttir
Eurovision
„Hvað getur þessi maður ekki gert?“ er spurt í grein sem birtist á þýska slúðurmiðlinum In Touch, en þar er fyrrverandi knattspyrnumaðurinn og IceGuys-stjarnan Rúrik Gíslason orðaður við Eurovision 2024.
„Fótbolti, dans, söngur, hvað er næst? Rúrik Gíslason hefur sannað að hann er sannkölluð alhliða stjarna. Hjartaknúsarinn gladdi aðdáendur sína stuttu fyrir áramót með tilfinningaþrungnu myndbandi þar sem hann flutti lag á móðurmáli sínu, íslensku, fyrir framan áhorfendur í beinni. Strákahljómsveit hans IceGuys hefur líka slegið í gegn. Það segir sig því sjálft að aðdáendur munu vilja sjá þennan hæfileikaríka mann í Eurovision í ár. Mun hann vera fulltrúi Íslands í Eurovision?“ er skrifað í greininni.
Þá er Rúrik ekki sá eini sem er orðaður við Eurovision í ár, heldur öll strákasveitin IceGuys. „Á íslensku fá mennirnir fimm hjörtu aðdáenda sinna til að slá hraðar – svo hratt að þeir eru nú sagðir líklegir keppendur fyrir Íslands hönd í Eurovision 2024. Að minnsta kosti vilja sumir aðdáendur þeirra á Instagram það,“ er útskýrt.
„Þú átt heima á stóra sviðinu“
„Rúrik, ég vona að þú eða IceGuys keppi í Eurovision. Þú átt heima á stóra sviðinu,“ skrifaði einn aðdáenda hans á meðan aðrir spurðu: „Ertu tilbúinn fyrir Eurovision 2024?“
Rúrik er margt til listanna lagt, en hann á glæstan fótboltaferil að baki þar sem hann spilaði í Englandi, Danmörku, Þýskalandi og með íslenska landsliðinu. Síðan þá hefur hann einnig starfað sem fyrirsæta, áhrifavaldur, dansari, söngvari og leikari.
Nú síðast í morgun vann hann sirkuskeppni í þýska sjónvarpsþættinum Stars in the Menège með brotna hönd!
Tengdar fréttir
Eurovision
Hraunið náð Njarðvíkuræð: Fylgjast með raflínu
Myndir: Grindavíkurvegur aftur undir hraun
Þórarinn: Tafir á höfuðborgarsvæðinu ekki minni
„Má segja að þetta gos hafi þjófstartað“
„Erum í miðri hrinu“: Styttist í Eldvörp
Mjög alvarlegt ef Njarðvíkuræð gefur sig
Hraun fór yfir Grindavíkurveg
Búseta skortir byggingarlóðir