Er þetta fyrsti stjörnuskilnaður 2024?
Setja bókamerki
Tengdar fréttir
Stjörnur skilja
Stjörnuhjónin Emily Blunt og John Krasinski vekja ávallt mikla athygli hvar sem þau koma, enda stórglæsileg bæði tvö. Leikarahjónin vöktu þó óvænta athygli á rauða dregli Golden Globe verðlaunanna á sunnudagskvöldið, en saklaust myndskeið sem sýnir Krasinski hvísla að eiginkonu sinni hefur farið eins og eldur í sinu um netheima undanfarna daga, en hver er ástæðan?
Aðdáendur hjónanna telja margir hverjir að leikarinn hafi sagt: „I can't wait to divorce,“ eða „ég get ekki beðið eftir að skilja,“ og hafa netverjar lagt sig alla fram við að læra varalestur til að komast að því hvað Krasinski, sem gerði garðinn frægan í bandarísku sjónvarpsþáttaröðinni The Office, sagði við hina bresku Blunt. Atvikið átti sér stað þegar hjónakornin stilltu sér upp á rauða dreglinum á leið sinni inn í hið stórglæsilega Beverly Hilton.
„Ég hef ábyggilega horft á þetta 500 sinnum til þess að reyna að sannfæra sjálfan mig um að hann hafi sagt eitthvað annað en orðið skilnaður,“ skrifaði einn netverji. Aðrir voru þó á því að leikarinn hafi einfaldlega verið að kvarta undan veðrinu og sagt: „I can't wait to get indoors.“
Blunt og Krasinski hafa verið gift frá árinu 2010 og eiga tvær dætur. Hjónin hafa verið dugleg að starfa saman að kvikmyndaverkefnum og gerðu meðal annars hina vinsælu A Quiet Place árið 2018.
Tengdar fréttir
Stjörnur skilja
Skattamál verði líklega „þeirra mesta klemma“
Stormur á Þorláksmessu en víðast hvar stefnir í hvít jól
Bjarni: „Útilokað að þetta geti gengið upp“
„Mér finnst gamla Samfylkingin komin aftur“
Fyrsti blaðamannafundurinn í heild sinni
Barn lést í árásinni
„Tímabil aukinnar eldvirkni“
