Sjáðu Aron Pálmarsson í gegnum árin
Setja bókamerki
Aron Pálmarsson er einn sigursælasti handboltamaður landsins og á glæstan feril að baki. Hann hefur leikið með stórliðum erlendis, verið lykilmaður í íslenska karlalandsliðinu í handbolta og unnið marga titla í gegnum árin.
Aron er staddur í Þýskalandi ásamt íslenska karlalandsliðinu um þessar mundir þar sem Evrópumót karla í handbolta fer fram.
Aron er uppalinn í Kaplakrika í Hafnarfirði og lék alla yngri flokkana með FH. Árið 2006 lék hann sinn fyrsta meistaraflokksleik með liðinu, þá aðeins 16 ára gamall. Aron spilaði sinn fyrsta landsleik í október árið 2008 sem fór fram í Laugardalshöll, en þá mætti liðið Belgíu og skoraði Aron tvö mörk í leiknum.
18 ára í atvinnumennsku
Sumarið 2009 fór Aron út í atvinnumennsku, þá 18 ára gamall, og gekk til liðs við Kiel í Þýskalandi. Ári síðar fór Aron á sitt fyrsta stórmót, EM í Austurríki, þar sem liðið vann til bronsverðlauna.
Aron var í stóru hlutverki hjá landsliðinu á Ólympíuleikunum í Lundúnum sumarið 2012, en þá hafnaði Ísland í 5. sæti eftir tap gegn Ungverjalandi í 8-liða úrslitum. Sama ár var Aron útnefndur íþróttamaður ársins af samtökum íþróttafréttamanna, en hann var einnig handknattleiksmaður ársins árin 2016, 2019 og 2020.
Frá Þýskalandi til Ungverjalands
Eftir að hafa spilað með Kiel í sex ár flutti Aron sig til Vezsprém í Ungverjalandi sumarið 2015. Árið 2017 gekk Aron svo til liðs við Barcelona á Spáni og lék með þeim til ársins 2021 þegar hann flutti til Danmerkur til að spila með Álaborg.
Í desember 2022 skrifaði Aron undir þriggja ára samning við handknattleiksdeild FH eftir 14 ár í atvinnumennsku.
„Önnur Evrópulönd eru langt fyrir neðan okkur“
„Verið að púsla öllum púslum saman“
Rotaðist eftir ísklump í íshellaferð
Ritari flokksins segir stöðuna óviðunandi
„Þetta er bara ótrúlega leiðinlegt“
„Þau eru algjörlega í öðrum heimi“
Fimm af sex bílum komnir í leitirnar