Patrik Atlason sem flestir þekkja sem Prettyboitjokko stefnir á að taka þátt í Eurovision 2025. Þetta kemur fram í nýjasta þætti Dagmála þar sem Patrik er gestur hjá Kristínu Sif Björgvinsdóttur.

Spurður hvernig hann myndi heilla Evrópu á stóra sviðinu segir hann: „það verður að vera með gott show uppi á sviði, eitthvað stuð og stemningslag, svona Eurovision-lag og svo yrði alvöru show“.

„Lagið mun koma til mín“

Síðasta ár hefur verið lyginni líkast hjá Patrik sem hefur gefið út hvern smellinn á fætur öðrum. Hann segir að það sé gott að taka ferilinn áfram í skrefum og að Eurovision sé bæði skref áfram og uppávið. Hann geti einnig hugsað sér að byrja gefa út tónlist á ensku og á til lög á ensku sem eru þó ekki fullunnin en í vinnslu.

„Maður á að undirbúa Eurovision 2025, er það ekki?“ spyr Patrik sem er ekki þekktur fyrir að slá slöku við. 

Patrik segir að hann vilji ekki þvinga tónlistina og feril sinn áfram heldur gerist þetta allt saman frekar náttúrulega þegar kemur að tónlistinni og að þannig vilji hann hafa hlutina.

„Eurovision-lagið mun koma til mín,” segir hann en í myndskeiðinu hér að ofan ræðir Patrik um mögulegt Eurovision framlag.

Þátturinn í heild sinni er aðgengilegur fyrir áskrifendur Morgunblaðsins - smelltu hér til að horfa.

Tengdar fréttir

Dagmál

Verður að vinna Pennsylvaníu: „Hún er á flugi“

• Eitrað vinnuumhverfi í kringum Kamölu rifjað upp
• „Hleypti nýju lífi í kosningabaráttu demókrata“
• Leigusali tilkynni um forgangsrétt
• Erfiðara að skipta um leigjanda

» Fleiri tengdar fréttir

• Blogga um frétt