Karl Bretakonungur mun gangast undir aðgerð í næstu viku vegna stækkunar á blöðruhálskirtli. Um er ræða góðkynja stækkun að því fram kemur á vef BBC.

Kvillinn er ekki óalgengur hjá mönnum sem eru 50 ára og eldri. Karl sem er 75 ára var formlega krýndur konungur í fyrra. Hann mun þurfa að taka sér stutt leyfi frá störfum eftir aðgerðina. 

Fjallað er um stækkun á blöðruhálskirtli á vef Krabbameinsfélagsins. 

„Nokkuð algengt er að frumurnar í kirtlinum stækki hjá eldri mönnum og getur það haft þær afleiðingar að kirtillinn þrengir að þvagrásinni með tilheyrandi einkennum. Þessi einkenni eru oft þau sömu og einkenni blöðruhálskirtilskrabbameins en góðkynja stækkun á blöðruhálskirtli er mun algengari sjúkdómur og tengist ekki krabbameini. Bólga í blöðruhálskirtli eða sýking getur einnig valdið svipuðum einkennum,“ segir á vef Krabbameinsfélagsins. 

Greint var frá ástandi Karls aðeins stuttu eftir að greint var frá því að Katrín prinsessa hefði farið í aðgerð á kviðarholi. 

Frétt af mbl.is

Á batavegi eftir aðgerð á kviðarholi

Tengdar fréttir

Kóngafólk

Jólakort Katrínar og Vilhjálms

• Andrés prins fjarri góðu jólagamni
• Ferðast til Madrídar eftir hneyksli
• Charlene prinsessa töffaraleg í leðurjakka
• Starfsmaður Buckingham-hallar handtekinn

» Fleiri tengdar fréttir

• Blogga um frétt