Bandaríski myndlistarmaðurinn Carl Andre, sem var miðdepill naumhyggjuhreyfingarinnar frá sjöunda áratug síðustu aldar, er látinn.
Hann lést í Manhattan í New York gær, 88 ára að aldri.
Andre var mikilsvirtur í nútímalist og hafði mikil áhrif á aðra listamenn, m.a. með skúlptúrum sínum þar sem einfaldleikinn var í fyrirrúmi. Þótti hann frumkvöðull á því sviði.
Carl Andre was a pioneer of Minimalist sculpture whose career was overshadowed by accusations that he played a role in the fatal plunge of his wife, the Cuban American artist Ana Mendieta. He has died at 88. https://t.co/Q8Eeg5D62I
— New York Times Arts (@nytimesarts) January 24, 2024
Oft á tíðum skyggði dauði eiginkonu hans, Ana Mendieta, á framlag hans til myndlistarinnar. Hún er talin einn áhrifamesti kúbansk-bandaríski listamaðurinn eftir síðari heimsstyrjöld, að því er vefsíðan Artlyst greindi frá.
Andre var sakaður um að hafa ýtt henni fram af glugga á 32. hæð í íbúð í New York árið 1985 en var síðar sýknaður í málinu árið 1988.