Grammy verðlaunin fara nú fram í Los Angeles í 66. skipti. Tveir Íslendingar eru tilnefndir í tveimur flokkum. 

Laufey Lín Jónsdóttir er tilnefnd fyrir plötu sína Bewitched í flokki hefðbundinna söng-poppplatna (e. traditional Pop Vocal Album) og Ólafur Arnalds er tilnefndur fyrir plötu sína Some Kind og Peace í flokki nýaldartónlistar (e. New Age, Ambient or Chant Album). 

Bandaríska tónlistarkonan SZA hlaut flestar tilnefningar, alls níu, þar á meðal fyrir plötu og lag ársins. 

Alls eru verðlaun veitt í 94 flokkum en afhending verðlauna í aðalflokkum hátíðarinnar hefst klukkan eitt í nótt á íslenskum tíma. 

Trevor Noah er kynnir kvöldsins og þá munu fjölmargir flytja tónlistaratriði, þar á meðal Dua Lipa, Billie Eilish, Joni Mitchell og U2.

Dua Lipa. Amy Sussman/Getty Images via AFP

Tengdar fréttir

Laufey

Laufey og Sinfónían rokseljast á ný

• Laufey nældi sér í bragðaref
• Laufey handhafi Ella Fitzgerald-verðlaunanna
• Laufey skólaði Kelly Clarkson til í íslensku
• Laufey hélt stærstu tónleikana hingað til í Indónesíu

» Fleiri tengdar fréttir

• Blogga um frétt