„Vá, takk kærlega fyrir öllsömul“
Setja bókamerki
/frimg/1/53/6/1530653.jpg)
„Vá, takk kærlega fyrir öllsömul. Þetta er ótrúlegt. Ég hefði ekki trúað því að þetta gæti gerst,“ sagði Laufey Lín Jónsdóttir tónlistarkona þegar hún steig á svið í Crypto-höllinni í Los Angeles í kvöld til þess að taka á móti Grammy-verðlaununum sínum.
Laufey hlaut verðlaunin fyrir plötu sína Bewitched í flokki hefðbundinna söng-poppplatna (e. traditional pop vocal album).
Laufey þakkaði teyminu sínu og foreldrum sínum. Þá þakkaði hún ömmu sinni og afa fyrir að kynna hana fyrir tónlist.
Hún þakkaði einnig samfélögum djass og klassískrar tónlistar víðs vegar um heiminn „sem kenndu henni svo mikið“.
„Stærstu þakkirnar fær tvíburasystir mín, Júnía, sem er minn helsti stuðningur og hefur hjálpað mér í gegnum þennan ótrúlega spennandi tíma í lífi mínu. Takk kærlega fyrir,“ sagði Laufey að lokum.
Áður en Laufey fékk verðlaunin flutti hún lagið From the Start af plötunni sinni.
Fundaði með starfsfólki í fjóra tíma í gær
„Á allt sitt undir því að njóta trausts almennings“
Clinton fluttur á sjúkrahús
Strandveiðar í forgangi
„Svindlherferðir eru að færast í aukana“
Neitaði sök um morð og hryðjuverk
Leiðindaveður yfir jólahátíðina