Karl konungur með krabbamein
Setja bókamerki
Karl III Bretakonungur hefur greinst með krabbamein. Fannst krabbameinið er hann fór í aðgerð vegna stækkunar á blöðruhálskirtli.
Breska konungshöllin greinir frá þessu í dag.
Ekki hefur verið greint frá því hvers konar krabbamein konungurinn greindist með. Mun hann nú gangast undir meðferð á sjúkrahúsi í Lundúnum.
Frestar öllum opinberum skyldum
Greindi höllin frá þessu í dag eftir að hafa tilkynnt, Vilhjálmi Bretaprins, nánustu fjölskyldu og Rishi Sunak, forsætisráðherra Bretlands, um greininguna.
Karl konungur, sem er nú 75 ára gamall, mun fresta öllum opinberum skyldum sínum um óákveðinn tíma, en mun sinna skyldum sínum gagnvart ríkinu, svo sem reglulegum fundum með forsætisráðherra og ríkisráðsfundum.
Fór í messu í gær
Konungurinn sást síðast opinberlega í gær, sunnudag, er hann sótti messu í Sandringham.
Í janúar fór Karl í aðgerð vegna stækkunar á blöðruhálskirtli. Greindi höllin opinberlega frá aðgerðinni áður en hann lagðist inn, og einnig er hann lagðist inn. Þá sendi höllin einnig út tilkynningu er hann útskrifaðist af sjúkrahúsi.
Þá sagði konungurinn að hann vildi vekja athygli á málefninu. Á sama tíma kom fram í tilkynningu frá NHS að tilfellum hafi fjölgað í Bretlandi undanfarið.
Óveður heldur Holtavörðuheiði lokaðri
Segir umsókn að ESB vera óvirka
Í vinnunni á aðfangadagskvöldi í 25 ár
Í þögn hjartans
Strandveiðar í forgangi
Tilfellum RS-veiru fjölgar verulega