Swift skráði sig á spjöld sögunnar
Setja bókamerki
Taylor Swift skráði sig á spjöld sögunnar með því að vinna Grammy-verðlaunin í fjórða sinn fyrir plötu ársins. Engum öðrum tónlistarmanni hefur tekist það.
Þessi virtu bandarísku tónlistarverðlaun voru haldin í 66. sinn í Los Angeles í gærkvöldi.
Með árangrinum tók bandaríska tónlistarkonan fram úr þekktum köppum á borð við Frank Sinatra, Paul Simon og Stevie Wonder.
Swift, sem er 34 ára, þakkaði kærlega fyrir sig er hún steig á svið til að taka á móti verðlaununum en í gærkvöldi tilkynnti hún um nýja plötu sem er væntanleg 19. apríl.
Miley Cyrus vann Grammy-verðlaunin fyrir upptöku ársins, lagið Flowers, og Billie Eilish og Finneas O´Connell fyrir lag ársins þar sem lagasmíðar eru verðlaunaðar. Lagið nefnist What Was I Made For? og er úr kvikmyndinni Barbie. Swift var tilnefnd í báðum þessum flokkum en varð að lúta í lægra haldi fyrir Cyrus og þeim Eilish og O´Connell.
Rapparinn Killer Mike vann jafnframt þrenn Grammy-verðlaun fyrir lög af plötu sinni Michael.
Nánast allir vinirnir snúið við honum baki
„Stendur ekkert til að létta þessu taumhaldi“
Tveir enn á gjörgæslu eftir skotárásina
„Viðvaranir dynja á okkur úr öllum áttum“
Segir stöðuna ekki hafa áhrif á þingstörf
Finnbjörn „þokkalega sáttur“
Hvetja fyrirtæki til að láta ferðamenn vita