Réttað verður yfir Baldwin í ágúst
Setja bókamerki
Bandaríski leikarinn Alec Baldwin hefur enn á ný verið ákærður fyrir manndráp af gáleysi í tengslum við voðaskot sem hljóp úr leikfangabyssu á tökustað kvikmyndarinnar Rust. Réttarhöld yfir Baldwin eru áætluð þann 6. ágúst næstkomandi.
Tökumaðurinn Halyna Hutchins beið bana af voðaskotinu aðeins nokkrum klukkustundum eftir atvikið sem varð í október árið 2021.
Ávallt lýst yfir sakleysi sínu
Ár er síðan Baldwin var fyrst ákærður fyrir manndráp en málið var látið falla niður í apríl. Nýtt teymi saksóknara, Kari T. Morrissey og Jason J. Lewis, ákvað að bera málið undir kviðdóm sem nú hefur ákært Baldwin að nýju. Í Nýju-Mexíkó, þar sem voðaskotið átti sér stað, varðar brotið allt að 18 mánaða fangelsi ef leikarinn verður dæmdur sekur.
Baldwin lýsti yfir sakleysi sínu í dómsskjölum síðast í janúar en hann hefur haldið fram sakleysi sínu frá byrjun. Leikarinn átti að mæta til fyrirtöku í málinu í janúarlok en hann kaus að afsala sér réttinum til að vera viðstaddur.
Réttarhöld yfir Baldwin eru því áætluð þann 6. ágúst næstkomandi en honum gefst fram til 22. júlí að gangast við gjörðum sínum og játa brot sitt fyrir dómi.
Beint: Ný ríkisstjórn tekin við völdum
Barn lést í árásinni
Bjarni: „Útilokað að þetta geti gengið upp“
Skattamál verði líklega „þeirra mesta klemma“
Fyrsti blaðamannafundurinn í heild sinni
Hrikalegt að heyra fréttirnar
Þetta eru ráðherrar ríkisstjórnarinnar
Ók á hóp fólks á jólamarkaði: Einn látinn
