Svona lítur Bianca Stratford út núna
Setja bókamerki
Bandaríska leikkonan Larisa Oleynik var ein skærasta stjarna tíunda áratugarins og eru flestir meðlimir þúsaldarkynslóðarinnar henni vel kunnugir. Oleynik skaust upp á stjörnuhimininn árið 1994 í titilhlutverki sjónvarpsseríunnar The Secret World of Alex Mack, en unga leikkonan varð þó heimsfræg fyrir hlutverk sitt sem Bianca Stratford í bandarísku unglingamyndinni 10 Things I Hate About You frá árinu 1999. Myndin sló rækilega í gegn á heimsvísu og reyndist mörgum leikurum frábær stökkpallur, en hún skartaði einnig Juliu Stiles, Gabrielle Union, Joseph Gordon-Levitt og Heath Ledger heitnum.
Oleynik var aðeins átta ára gömul þegar hún hóf leikaraferil sinn, en hún lék Cosette í sviðsuppfærslu af Les Misérables árið 1989 í San Francisco. Oleynik sóttist eftir hlutverki í söngleiknum eftir að hafa séð áheyrnaprufu auglýsta í dagblaði.
Leikkonan vakti fljótt athygli sjónvarps- og kvikmyndaframleiðenda í Bandaríkjunum og fór meðal annars með hlutverk í kvikmyndinni The Baby-Sitters Club og aukahlutverk í sjónvarpsseríunum Boy Meets World og 3rd Rock from the Sun, þar sem hún kynntist Joseph Gordon-Levitt.
Kvaddi sviðsljósið í bili
Þegar ferill Oleynik stóð í hvað mestum blóma kaus hún að draga sig í hlé þar sem hún vildi ólm sækja sér háskólamenntun, enda dóttir svæfingalæknis og hjúkrunarfræðings. Leikkonan útskrifaðist frá Sarah Lawrence-háskólanum í New York-borg með gráðu í frjálsum listum árið 2004.
Oleynik hefur á undanförnum árum átt endurkomu inn í leiklistarheiminn og tekið að sér aukahlutverk í ýmsum þekktum sjónvarpsseríum á borð við Mad Men, Pretty Little Liars og Law & Order: SVU.
Lítið er vitað um líf Oleynik núna en leikkonan var í sambandi með Gordon-Levitt á árunum 1998 til 2002. Margir halda því fram að hún sé gift leikaranum Olli Haaskivi, en þau kynntust við gerð leiksýningarinnar Who's Your Baghdaddy?
Funda með þingflokkum
Lát hjóna í Neskaupstað: Ákæra gefin út
Ný ríkisstjórn kynnt á morgun
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
Barn lést í árásinni
