Tilnefningar til Eddunnar 2024

Tilnefningar til Kvikmyndaverðlauna Eddunnar 2024 hafa verið gerðar opinberar en þær voru kynntar á Facebook-síðu Eddunnar milli kl. 11 og 14 í dag.  Kvikmyndin Á ferð með mömmu hlýtur flestar tilnefningar, eða samtals 10 tilnefningar. Næstflestar tilnefningar hlýtur kvikmyndin Villibráð, eða níu tilnefningar. Kuldi, Napóleonsskjölin og Smoke Sauna Sisterhood hljóta sex tilnefningar hver. 

Verðlaunin hafa verið veitt árlega af Íslensku kvikmynda- og sjónvarpsakademíunni (ÍKSA) frá árinu 1999. Samkvæmt upplýsingum frá ÍKSA markar hátíðin í ár þáttaskil þar sem kvikmynda- og sjónvarpsverðlaununum hefur verið skipt upp og verða Kvikmyndaverðlaun Eddunnar 2024 afhent 13. apríl næstkomandi í beinni útsendingu á RÚV. Sjónvarpsverðlaunin verða afhent á haustmánuðum.

Á hátíðinni í apríl verða veitt samtals 20 verðlaun til kvikmyndaverka sem frumsýnd voru á tímabilinu 1. janúar 2023 til 31. desember 2023.

Þá verða heiðursverðlaun ÍKSA veitt ásamt tveimur nýjum verðlaunum. Erlend kvikmynd ársins verður verðlaunuð og Uppgötvun ársins en þau eru veitt einstaklingi sem ekki hefur hlotið tilnefningu áður í viðkomandi fagverðlaunaflokki en hefur vakið sérstaka athygli fyrir framúrskarandi framlag á árinu.

Til kvikmyndaverðlauna Eddunnar í ár voru send inn alls 39 verk og 132 innsendingar til fagverðlauna. Heimildamyndir voru 8, heimildastuttmyndir 7, kvikmyndir 7 og stuttmyndir 11. 8 valnefndir, 41 einstaklingur sat í valnefndunum fyrir hina 20 verðlaunaflokka. KPMG hefur yfirumsjón með kosningu og talningu atkvæða.

Tilnefningar eru sem hér segir:

BARNA- OG UNGLINGAMYND ÁRSINS

• Konni
• Sætur (Felt Cute)
• Þið kannist við...

ERLEND KVIKMYND ÁRSINS

• Anatomie d'une chute (Fallið er hátt)
• Kuolleet lehdet (Fallin lauf)
• Killers of the Flower Moon
• Oppenheimer
• Past Lives

HEIMILDAMYND ÁRSINS

• Heimaleikurinn
• Skuld
• Smoke Sauna Sisterhood

HEIMILDASTUTTMYND ÁRSINS

• Konni
• Super Soldier
• Uppskrift: lífið eftir dauðann

KVIKMYND ÁRSINS

• Á ferð með mömmu
• Tilverur
• Villibráð

STUTTMYND ÁRSINS

• Dunhagi 11
• Sorg etur hjarta
• Sætur (Felt Cute)

BRELLUR ÁRSINS

• Davíð Jón Ögmundsson, Dragos Vilcu, Árni Gestur Sigfússon & Rob Tasker fyrir Napóleonsskjölin
• Jean-Michel Boublil, Jörundur Rafn Arnarson fyrir Northern Comfort
• Atli Þór Einarsson fyrir Óráð

BÚNINGAR ÁRSINS

• Helga Rós V. Hannam fyrir Á ferð með mömmu
• Helga Rós V. Hannam fyrir Kulda
• Arndís Ey fyrir Tilverur

GERVI ÁRSINS

• Kristín Júlla Kristjánsdóttir fyrir Á ferð með mömmu
• Kristín Júlla Kristjánsdóttir fyrir Kulda
• Guðbjörg Huldís Kristinsdóttir fyrir Villibráð

HANDRIT ÁRSINS

• Hilmar Oddsson fyrir Á ferð með mömmu
• Erlingur Óttar Thoroddsen fyrir Kulda
• Tyrfingur Tyrfingsson og Elsa María Jakobsdóttir fyrir Villibráð

HLJÓÐ ÁRSINS

• Matis Rei fyrir Á ferð með mömmu
• Björn Viktorsson fyrir Northern Comfort
• Huldar Freyr Arnarson fyrir Smoke Sauna Sisterhood

KLIPPING ÁRSINS

• Gunnar B. Guðbjörnsson og Kristján Loðmfjörð fyrir Napóleonsskjölin
• Hendrik Mägar fyrir Smoke Sauna Sisterhood
• Ivor Šonje fyrir Tilverur

KVIKMYNDATAKA ÁRSINS

• Óttar Guðnason fyrir Á ferð með mömmu
• Árni Filippusson fyrir Napóleonsskjölin
• Ants Tammik fyrir Smoke Sauna Sisterhood

LEIKARI ÁRSINS Í AÐALHLUTVERKI

• Þröstur Leó Gunnarsson fyrir Á ferð með mömmu
• Þröstur Leó Gunnarsson fyrir Tilverur
• Gísli Örn Garðarsson fyrir Villibráð

LEIKARI ÁRSINS Í AUKAHLUTVERKI

• Ólafur Darri Ólafsson fyrir Napóleonsskjölin
• Hilmir Snær Guðnason fyrir Villibráð
• Björn Hlynur Haraldsson fyrir Villibráð

LEIKKONA ÁRSINS Í AÐALHLUTVERKI

• Kristbjörg Kjeld fyrir Á ferð með mömmu
• Elín Hall fyrir Kulda
• Vivian Ólafsdóttir fyrir Napóleonsskjölin

LEIKKONA ÁRSINS Í AUKAHLUTVERKI

• Halldóra Geirharðsdóttir fyrir Kulda
• Selma Björnsdóttir fyrir Kulda
• Nína Dögg Filippusdóttir fyrir Villibráð

LEIKMYND ÁRSINS

• Heimir Sverrisson fyrir Napóleonsskjölin
• Hulda Helgadóttir, Eggert Ketilsson fyrir Northern Comfort
• Heimir Sverrisson fyrir Villibráð

LEIKSTJÓRI ÁRSINS

• Hilmar Oddsson fyrir Á ferð með mömmu
• Anna Hints fyrir Smoke Sauna Sisterhood
• Elsa María Jakobsdóttir fyrir Villibráð

TÓNLIST ÁRSINS

• Tönu Kõrvits fyrir Á ferð með mömmu
• Daníel Bjarnason fyrir Northern Comfort
• Eðvarð Egilsson fyrir Smoke Sauna Sisterhood