Netverjar agndofa yfir Instagram-færslu McCarthy
Setja bókamerki
Tengdar fréttir
Bandaríska leikkonan Melissa McCarthy, 53 ára, er nýjasta Hollywood-stjarnan sökuð um að notfæra sér sykursýkislyfið Ozempic. Lyfið hefur hlotið mikilla vinsælda hjá liðsmönnum Hollywood-elítunnar og einnig meðal almennings í von um þyngdartap.
McCarthy, sem fór með hlutverk Úrsúlu í leiknu kvikmyndinni um Litlu hafmeyjuna, deildi mynd af sér ásamt eiginmanni sínum, leikstjóranum Ben Falcone, á Instagram yfir helgina.
Netverjum brá mörgum í brún yfir breyttu útliti McCarthy, en leikkonan, sem er ein af vinsælustu og virtustu leikkonum í skemmtanaiðnaðinum, sýndi myndarlegt þyngdartap sitt klædd demantaskreyttum samfesting. McCarthy klæddist hinni glæsilegu flík í áhorfspartí (e. viewing party) sem haldið var fyrir nýjasta þátt raunveruleikaseríunnar RuPaul's Drag Race, en hún er mikill aðdándi seríunnar.
Í kjölfar Instagram-færslunnar upphófust miklar pælingar meðal netverja og ekki leið á löngu þar til athugasemdarkerfið var yfirfullt af spekúlasjónum og snerust allflestar um Ozempic og nýtt útlit leikkonunnar.
McCarthy hefur verið þekkt fyrir að rokka upp og niður í þyngd í gegnum árin, en leikkonan hefur rætt það opinberlega að vilja komast í betra form, heilsunnar og fjölskyldunnar vegna.
/frimg/1/45/89/1458983.jpg)
Tengdar fréttir
/frimg/1/49/73/1497352.jpg)
Hvorki Rubio né Burgum verða varaforseti
J.D. Vance varaforsetaefni Trumps
Donald Trump: „Ég ætti að vera dáinn“
Byssuskot forsenda athygli
Bensínið kláraðist á N1 á Egilsstöðum
Best að skella á og hringja strax í bankann
Lögreglustjóri gerður afturreka