Renner birtist óvænt á sviðinu 13 mánuðum eftir slys
Setja bókamerki
Það ætlaði allt að verða vitlaust þegar Marvel-stjarnan Jeremy Renner mætti á svið til að afhenda fyrstu verðlaun kvöldsins á People's Choice Awards. Verðlaunahátíðin var haldin í Kaliforníu í gærdag.
Renner hefur lítið sést opinberlega frá því hann hlaut lífshættulega áverka í upphafi síðasta árs, en leikarinn lenti í slysi við snjómokstur.
Þegar Renner, 53 ára, steig á svið Barker Hanger í Santa Monica braust út mikill fögnuður og ákaft lófaklapp, en tilnefndir og aðrir gestir gáfu leikaranum standandi lófaklapp og þar á meðal félagar hans úr Marvel-heiminum.
„Ég má til með að segja hversu gott það er að vera kominn aftur,“ sagði leikarinn í byrjun. „Síðastliðið ár hefur verið rosalegt ferðalag og er ég ótrúlega ánægður og þakklátur að vera hérna með ykkur. Þið, aðdáendurnir, eruð bestir.“
Renner afhenti verðlaun fyrir bestu frammistöðu í sjónvarpsþætti (e. TV performance of the Year) og var það söng- og leikkonan Billie Eilish sem hreppti verðlaunin fyrir leik sinn í sjónvarpsþáttaröðinni Swarm.
Boða umbreytingu í grunnskólanum
Söfnuðu rúmlega 93 milljónum
Vilja greina niðurstöður PISA-könnunarinnar
Funduðu að næturlagi vegna gruns um kvikuhlaup
Hvað verður um sakamálin ef Trump vinnur? Eða tapar?
Ísrael rýfur öll tengsl við UNRWA
Tíu börn á spítala, þar af tvö á gjörgæslu
Maðurinn sem lést var íslenskur