Tónlistarkonan Laufey Lín Jónsdóttir er á tónleikaferðalagi um þessar mundir. Hún kom fram í Lundúnum í Bretlandi í gær þar sem hún söng óvænt með tónlistarmanninum Tom Odell við mikil fagnaðarlæti áhorfenda. 

Odell er Brit-tónlistarverðlaunahafi sem hefur notið mikilla vinsælda um allan heim. Hann hefur komið tvisvar sinnum fram á tónleikum á Íslandi, fyrst árið 2014 og síðan árið 2016. Hann á þekkta smelli á borð við Another Love, Black Friday og Heal. 

Odell birti myndband frá tónleikunum á Instagram-síðu sinni, en þar sést Laufey kynna hann inn á sviðið. „Ég er með eitt óvænt í viðbót fyrir ykkur. Mig langar að bjóða Tom Odell að koma og syngja með mér,“ sagði hún á sviðinu og mikil fagnaðarlæti brutust út. Við myndbandið skrifaði Odell: „Yndislegt að syngja Black Friday með þér Laufey.“

Í ummælum undir myndbandið sagði Laufey dúettinn hafa verið hápunkt vikunnar. „Ég elska að syngja með þér!“ bætti hún við. 

Laufey birti einnig myndband af dúettinum á TikTok-síðu sinni með yfirskriftinni: „Ég bauð Tom Odell á tónleikana mína í Lundúnum og hann samþykkti að koma upp á svið og syngja dúett með mér.“ Þau tóku eitt af þekktustu lögum Odells á hugljúfan máta.

Tengdar fréttir

Laufey

Laufey og Sinfónían rokseljast á ný

• Laufey nældi sér í bragðaref
• Laufey handhafi Ella Fitzgerald-verðlaunanna
• Laufey skólaði Kelly Clarkson til í íslensku
• Laufey hélt stærstu tónleikana hingað til í Indónesíu

» Fleiri tengdar fréttir

Tónlist

Bríet og Birnir á nýrri tónlistarhátíð

• Hegðun Roberts vakti athygli á tónleikum
• Myndband við þjóðhátíðarlagið 2024 er komið út
• Katy Perry gefur loksins út nýja tónlist
• Halda þarf tónlistarlífinu gangandi

» Fleiri tengdar fréttir

• Blogga um frétt