Orðrómurinn hefur náð nýjum hæðum
Setja bókamerki
Tengdar fréttir
Poppkúltúr
Snemma árs byrjaði hávær orðrómur um eldheitt ástarsamband á milli Hollywood-leikaranna Martin Short og Meryl Streep. Orðrómurinn, sem Short hefur hingað til neitað og Streep ekki viljað tjá sig um, fór af stað stuttu eftir Golden Globe-verðlaunahátíðina, en parið var mikið saman það kvöldið og lét vel hvort að öðru.
Orðrómur um nýfundna ást Short og Streep, sem fara með hlutverk elskenda í þáttaröðinni Only Murders in the Building, hefur náð nýjum hæðum síðustu daga.
Á miðvikudag sást til Short, 73 ára, og Streep, 74 ára, njóta kvöldverðar á hinum sögufræga veitingastað, Giorgio Baldi, í Santa Monica. Að sögn sjónarvotta fór vel á með þeim og áttu þau í innilegum samræðum. Short og Streep voru bæði skælbrosandi er þau yfirgáfu veitingastaðinn.
„Við erum ekki par“
Short var gestur í hlaðvarpsþætti Bill Maher, Club Random with Bill Maher, í lok janúar og sagði orðróminn ekkert annað en uppspuna.
„Við erum ekki par, við erum bara góðir vinir,“ sagði Short við Maher þegar hann spurði leikarann um það hvort hann og Streep væru nýjasta ofurparið í Hollywood. „Já, því eins og þú veist þá er ekkert kröftugra í Hollywood en nýtt ofurpar,“ grínaðist Maher. „Eins og þú sérð, þá gekk þetta upp fyrir Tom Cruise og Nicole Kidman og einnig fyrir þau Brad Pitt og Angelinu Jolie,“ gantaðist Maher áfram.
Short var kvæntur leikkonunni Nancy Dolman frá árinu 1980 og þar til hún lést árið 2010 af völdum krabbameins í eggjastokkum. Streep var gift myndhöggvaranum Don Gummer í 45 ár en þau standa nú í skilnaði.
Tengdar fréttir
Poppkúltúr
Þarf að koma til móts við ólíkar þarfir lækna
Dregið úr gosóróa
Ása Ellerup flutt út og ætlar að selja húsið
Pútín reynir allt til að forðast aðra herkvaðningu
Hulda saksóknari: „Tökum þetta ekki til greina“
Ekki vandamál að vera karlmaður
/frimg/1/53/17/1531723.jpg)
Kálfur kom í heiminn á miðjum kosningafundi