Bandaríski leikarinn og grínistinn Richard Lewis er látinn 76 ára að aldri.
Lewis er einna þekktastur fyrir hlutverk sitt í þáttunum Curb Your Enthusiasm og í kvikmyndinni Robin Hood: Men in Tights.
Í yfirlýsingu frá talsmanni Lewis til ABC News sagði að Lewis hefði látist úr hjartaáfalli á heimili sínu í Los Angeles í gær.
Grínistinn greindi frá því í fyrra að hann hefði greinst með Parkinsons-sjúkdóminn tveimur árum áður.
„Eiginkona hans, Joyce Lapinsky, þakkar öllum fyrir hlý skilaboð, vináttu og stuðning og óskar eftir næði á þessari stund,“ sagði í yfirlýsingunni.