Á rómantísku stefnumóti í New York-borg
Setja bókamerki
Tengdar fréttir
Ást í Hollywood
/frimg/1/50/48/1504891.jpg)
Real Housewives of New York-stjarnan Luann de Lesseps sást á stefnumóti með franska bankamanninum og hálfbróður fyrrverandi Frakklandsforseta, Olivier Sarkozy. Þau sáust yfirgefa franska veitingastaðinn Le Bilboquet, sem er staðsettur á efri hluta Manhattan, á mánudag.
Myndir náðust af parinu stuttu eftir að þau yfirgáfu veitingastaðinn, en að sögn heimildarmanns Daily Mail þá vörðu Sarkozy og Lesseps góðum tíma inni á staðnum áður en þau tóku góðan göngutúr um hverfið.
Í leit að ástinni
Real Housewives of New York-stjarnan kom fram í spjallþættinum Tamron Hall Show í byrjun febrúarmánaðar. Þar sagðist hún vera í leit að elskhuga sem væri í kringum fertugt. Hún útskýrði að sá aldur hentaði henni best í svefnherberginu. Sarkozy er 54 ára gamall, fjórum árum yngri en Lesseps, sem er 58 ára gömul.
Þegar Lesseps lék frumraun sína í Real Housewives of New York var hún gift Alexandre de Lesseps og áttu þau tvö börn saman. Hann sótti hins vegar um skilnað við raunveruleikastjörnuna árið 2009 eftir 16 ára hjónaband.
Skilnaðurinn kom Lesseps í opna skjöldu og var hún í miklum sárum þar til hún kynntist Jacques Azoulay og varð ástfangin á ný. Þau voru saman í fjögur ár áður en þau fóru hvort í sína áttina árið 2013. Stuttu síðar féll hún svo fyrir Tom D'Agostino, en þau gengu í hjónaband árið 2016 aðeins til að skilja sjö mánuðum síðar.
Sarkozy er tvískilinn. Hann var giftur Charlotte Bernard í 14 ár. Stuttu eftir skilnaðinn byrjaði hann með fyrrverandi barnastjörnunni Mary-Kate Olsen, sem er 17 árum yngri en hann. Parið gekk í hjónaband árið 2015 en skildi fimm árum síðar.
Tengdar fréttir
Ást í Hollywood
Best að skella á og hringja strax í bankann
Ráðist á bandaríska herstöð í Írak
Kostnaður áætlaður 8,6 milljarðar
Langþráð hótel gæti risið á næsta ári
Íslenskt tónskáld tilnefnt til Emmy verðlauna
Kourani áfrýjar dómnum
Mikið magn af rauðvínspóstum eftir helgar
/frimg/1/50/49/1504902.jpg)
Réðust á Íslendinga úr launsátri og skildu eftir poll af blóði