Samfélagsmiðlastjarnan og förðunarfræðingurinn Embla Wigum kom mörgum á óvart þegar hún birti mynd af sér með Stranger Things-stjörnunni Millie Bobby Brown á Instagram. 

Í vikunni mætti Embla á forsýningu kvikmyndarinnar Damsel sem væntanleg er á streymisveituna Netflix á morgun, föstudag, en þar hitti hún Brown sem fer með aðalhlutverk í kvikmyndinni ásamt Ray Winstone, Brooke Carter, Robin Wright og Angela Bassett.

Þrátt fyrir ungan aldur hefur Brown notið mikilla vinsælda, en hún skaust upp á stjörnuhimininn þegar hún fór með hlutverk Eleven í Netflix-þáttunum Stranger Things. Hún hefur hlotið fjölda verðlauna og hlaut tvær Emmy-tilnefningar fyrir hlutverkið, þá fyrstu árið 2017 þegar hún var aðeins 13 ára gömul.

Fær spennandi tækifæri í Lundúnum

Embla er búsett í Lundúnum þar sem hún starfar við efnissköpun fyrir samfélagsmiðla, en hún er með yfir 3,8 milljónir fylgjenda þvert á miðla hennar. Hún flutti til Lundúna í árslok og hefur síðan þá fengið tækifæri til að mæta á fjölda spennandi viðburða.

Frétt af mbl.is

Embla elti drauminn og slær nú í gegn í Lundúnum

Tengdar fréttir

Áhrifavaldar

Fyrrverandi barnastjarna segist sakna svallveislna Combs

• Æxli í andliti Khloé skildi eftir sig holu í kinninni
• 13 mánaða dóttir Williams komin með Instagram-reikning
• Er þetta heitasti mataráhrifavaldurinn?
• Elísabet er enn að venjast Íslandi eftir áratug í Skandinavíu

» Fleiri tengdar fréttir

• Blogga um frétt