Fjórar af stærstu fréttaveitum heims vara fjölmiðla við að nota myndina af Katrínu, prinsessu af Wales, sem birt var á samfélagsmiðlum konungsfjölskyldunnar í morgun.

Telegraph hefur eftir tilkynningu frá AP að við nánari athugun virðist sem svo að átt hafi verið við myndina í myndvinnsluforriti. Þar er vísað til þess að eitthvað bogið virðist vera við vinstri handlegg Karlottu prinsessu, dóttur Katrínar og Vilhjálms Bretaprins.

Það eru Reuters, AP, Getty og AFP sem vara við notkun myndarinnar í fjölmiðlum.

Fyrsta opinbera myndin í tvo mánuði

Um er að ræða fyrstu opinberu myndina sem konungsfjölskyldan birtir af Katrínu síðan hún gekkst und­ir aðgerð á kviðar­holi fyr­ir tæp­um tveim­ur mánuðum. Birtist hún með mæðradagskveðju frá Katrínu þar sem hún þakkar fyrir kveðjur síðustu mánuði. 

Vangaveltur hafa verið um heilsu prinsessunnar þar sem hún hefur ekki sést á opinberum vettvangi um nokkurt skeið.

Frétt af mbl.is

Birta fyrstu opinberu myndina eftir aðgerð

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt