Katrín prinsessa af Wales hefur gefið út afsökunarbeiðni, í kjölfar þess að nokkrar stærstu fréttaveitur heims drógu til baka mynd af henni og börnum hennar sem Kensingtonhöll gaf út í gærmorgun.

Reu­ters, AP, Getty og AFP afturkölluðu myndina úr kerfum sínum í gærkvöldi og vöruðu fjölmiðla við notk­un mynd­ar­inn­ar. AP sagði ástæðuna vera að í ljós hefði komið að átt hefði verið við myndina.

Breska dagblaðið Telegraph hafði svo eftir talsmanni AP að sérstaklega væri horft til vinstri handleggs Karlottu prinsessu.

Frétt af mbl.is

Afturkalla myndina af prinsessunni

Frá Kensingtonhöll í Lundúnum í dag. AFP

Kveðst stundum prófa breytingar

Í tilkynningu núna kveðst prinsessan stundum prófa breytingar á myndum, eins og margir áhugaljósmyndarar. Hún vilji biðjast afsökunar á ruglingi sem fjölskyldumynd gærdagsins olli.

„Ég vona að allir þeir sem fögnuðu hafi átt mjög ánægjulegan mæðradag,“ segir í kveðju prinsessunnar, þar sem kvittað er undir með upphafsstaf hennar.

Fyrsta opinbera myndin frá aðgerðinni

Um er að ræða fyrstu op­in­beru mynd­ina sem kon­ungs­fjöl­skyld­an birt­ir af Katrínu síðan hún gekkst und­ir aðgerð á kviðar­holi fyr­ir tæp­um tveim­ur mánuðum. Birt­ist hún með mæðradagskveðju frá Katrínu þar sem hún þakk­ar fyr­ir kveðjur síðustu mánuði.

Vanga­velt­ur hafa verið um heilsu prins­ess­unn­ar þar sem hún hef­ur ekki sést á op­in­ber­um vett­vangi um nokk­urt skeið.

Fulltrúar bresku konungsfjölskyldunnar höfðu áður neitað að tjá sig eftir að fréttaveiturnar afturkölluðu myndina.

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt