Kanadíski leikarinn Eric McCormack, sem fór á kostum í hlutverki sínu sem lögfræðingurinn Will Truman í gamanþáttaröðinni Will & Grace, var meðal þeirra sem mættu í Óskarsverðlaunaveislu hjá Elton John í nótt. 

McCormack gekk bláa dregilinn og brosti til ljósmyndara ásamt eiginkonu sinni, Janet Holden. Það kom vafalítið mörgum á óvart að sjá þau saman, en Holden sótti um skilnað frá leikaranum í nóvember, degi fyrir þakkargjörðardaginn. Var ástæðan sögð vera óásættanlegur ágreiningur milli hjónanna. 

Frétt af mbl.is

Sótti um skilnað eftir 26 ára hjónaband á hræðilegum tíma

Hjónin virtust hamingjusöm er þau stilltu sér upp á dreglinum. Þau héldu þéttingsfast hvort utan um annað, brostu til ljósmyndara og voru í góðum félagsskap í veislunni. McCormack og Holden sátu á borði með fyrirsætunni Heidi Klum og eiginmanni hennar, Tom Kaulitz. 

Frétt af mbl.is

Rúrik mætti í Óskarspartí hjá Elton John

McCormack og Holden hafa verið gift í 26 ár og eiga einn uppkominn son, Finnigan. Hjónin kynntust við gerð þáttaseríunnar Lonesome Dove árið 1994 og gengu í hjónaband tveimur árum síðar. 

Tengdar fréttir

Óskarsverðlaunin

Gosling líkt við Marilyn Monroe

• Sýna ógnvekjandi hversdagsleika nasista
• Stórstjörnurnar mættu með eins fylgihlut
• Huldi það allra heilagasta með umslagi
• Fallegasti kjóllinn á Óskarnum var gömul hönnun

» Fleiri tengdar fréttir

• Blogga um frétt