Oppenheimer sópaði til sín verðlaunum
Setja bókamerki
Kvikmyndin Oppenheimer stóð uppi sem sigurvegari gærkvöldsins á 96. Óskarsverðlaunahátíðinni.
Myndin var tilnefnd í þrettán flokkum og hlaut alls sjö verðlaun, þar á meðal fyrir bestu kvikmyndina, besta leikstjórann, besta karlkyns leikara í aðalhlutverki og aukahlutverki.
Cristopher Nolan leikstýrði myndinni, Cillian Murphy fór með aðalhlutverkið og Robert Downey Jr. hlaut verðlaunin fyrir aukahlutverk í myndinni.
Besta leikkona í aðalhlutverki í annað sinn
Verðlaunin fyrir bestu leikkonu í aðalhlutverki hlaut Emma Stone fyrir hlutverk sitt í Poor things. Er þetta í annað sinn á ferlinum sem hún tekur á móti þeim verðlaunum. Kvikmyndin var einnig verðlaunuð fyrir listræna stjórnun, búningahönnun og förðun.
Da'Vine Joy Randolph hlaut verðlaun fyrir bestu leikkonu í aukahlutverki fyrir hlutverk sitt í The Holdovers.
Barbie hlaut ein verðlaun
Ein verðlaun féllu í skaut kvikmyndarinnar Barbie og voru þau fyrir besta upprunalega lagið, sem söngkonan Billie Eilish og bróðir hennar Finneas sömdu.
Úkraína eignaðist sinn fyrsta óskarsverðlaunahafa í gær þegar kvikmyndin 20 Days in Mariupol fékk verðlaun fyrir bestu heimildarmyndina. Þá hlutu Bretar verðlaun fyrir bestu alþjóðlegu myndina, The Zone of interest.
Hraunið náð Njarðvíkuræð: Fylgjast með raflínu
Hraunið við bílastæði Bláa lónsins
Hluti bílastæðis undir hraun: Ómögulegt að meta tjón
Hraun fór yfir Grindavíkurveg
Búseta skortir byggingarlóðir
Sáu eldgosið brjótast út frá Snæfellsnesi
Mæðgur dæmdar til að greiða 64 milljónir
„Erum í miðri hrinu“: Styttist í Eldvörp