Fyrrverandi knattspyrnukappinn Rúrik Gíslason mætti í Óskarsverðlaunaveislu hjá Elton John í nótt. Tónlistarmaðurinn Elton John stendur fyrir einni vinsælustu Óskarsveislunni í Hollywood. Rúrik hefur dvalið í borg englanna undanfarna daga. 

Rúrik greindi sjálfur frá því á Instagram að hann hefði mætt í veisluna. „Tilbúinn fyrir Óskarsverðlaunapartí Eltons,“ skrifaði Rúrik og birti mynd af sér í sögu á Instagram. 

Umkringdur stjörnum 

Þetta er ekki fyrsta Hollywood-veislan sem Rúrik mætir í en hann mætti einnig í hrekkjavökuveislu Heidi Klum fyrir áramót. Þýska fyrirsætan var á meðal gesta í veislu Elton John sem er haldin til styrktar góðgerðarsamtökum Johns. 

Hér fyrir neðan má sjá stjörnurnar sem mættu í gleðskapinn.