Harry nefndur á nafn í kæru gegn Diddy
Setja bókamerki
Harry Bretaprins er nefndur á nafn í kæru á hendur tónlistarmanninum Sean Diddy Combs. Er Harry notaður sem dæmi í kærunni um fræga vini Diddy.
Kæran lýtur að meintum kynferðisbrotum Diddy gegn tónlistarframleiðandanum Rodney Jones Jr, sem er betur þekktur sem Lil Rod, og er Harry einungis nefndur á nafn í kærunni en ekki sakaður um glæpsamlegt athæfi eða aðkomu að slíku.
Business Insider greinir jafnframt frá því að ekkert bendi til þess að Diddy og Harry hafi verið í samneyti síðan 2007 þegar Diddy flutti lag sitt I'll be missing you á minningartónleikum fyrir móður Harry, Díönu prinsessu.
Sá eini sem nefndur er á nafn
Kemur nafn Harry fyrir í einum lið kærunnar þar sem segir jafnframt að margir hefðu vitað af eða notið góðs af „mansalsveislum“ sem Lil Rod segir Diddy hafa haldið.
„Tenging við og/eða kostun herra Combs á mansalsveislum bættu ímynd hans og veittu honum aðgengi að hinum frægu, þar á meðal íþróttafólki, stjórnmálamönnum, listamönnum, tónlistarfólki og alþjóðlegu tignarfólki líkt og Harry Bretaprins,“ segir í kærunni.
Vekur athygli að prinsinn er sá eini sem nefndur er á nafn í kærunni. Talsmenn hans hafa ekki tjáð sig um málið.
Mun lækka fasteignaverð þrátt fyrir hærra lóðaverð
Vill færa út mörkin
Fluttur á Hólmheiði af öryggisástæðum
Hinn almenni Íslendingur tengi ekki við flokkinn í dag
Ekki meitlað í stein að það sé komin kreppa
Harris segir Trump hafa vanvirt helga jörð
Ísland verði ekki að „fyrirheitnu landi hælisleitenda“