Gummi kíró og Halla skiptust á töskum
Setja bókamerki
Fullt var út úr dyrum í Ármúla 13 á laugardag þegar Halla Tómasdóttir forsetaframbjóðandi opnaði kosningaskrifstofu sína. Ríflega 200 manns litu við í pönnukökur, kaffi og létt spjall um stefnumál og áherslur Höllu í komandi forsetakosningum.
Áhrifavaldurinn Guðmundur Birkir Pálmason, jafnan kallaður Gummi kíró, var meðal þeirra gesta sem kíktu við í kaffi og pönnukökur til forsetaframbjóðandans.
Góð taska skiptir öllu máli
Guðmundur, sem sést sjaldan án handtösku, mætti að sjálfsögðu með svörtu Balenciaga-handtöskuna í opnunarkaffið, en hann er mikill aðdáandi franska tískuhússins og sést reglulega klæddur fötum og með fylgihluti frá Balenciaga.
Guðmundur og Halla ræddu ýmis mál og hlógu dátt, en þeim virtist koma vel saman. Þau enduðu gott spjall með bros á vör og töskuskiptum.
Halla afhenti Guðmundi glænýjan fylgihlut, merktan burðarpoka sem gerður var til stuðnings framboði hennar, og fékk hún Balenciaga-handtöskuna í staðinn, enda er góð taska lykilbúnaður í kosningabaráttunni.
MDE tekur fyrir mál Gráa hersins
Tár féllu á þingflokksfundi
Ræða um óróa í Ljósufjallakerfinu
Jón Gunnarsson aftur á leið inn á þing
Afturkalla ætti byggingarleyfið
Vegagerðin svarar ekki ásökunum
Reyna að styrkja stöðuna fyrir Trump