Þyngdist um 60 kíló nokkrum árum eftir magaermaraðgerð
Setja bókamerki
/frimg/1/52/80/1528017.jpg)
Raunveruleikastjarnan June Shannon, betur þekkt sem Mama June, viðurkenndi á dögunum að hafa þyngst allverulega á undanförnum mánuðum. June, sem gerði garðinn frægan í raunveruleikaþáttaröðinni Toddlers & Tiaras, gekkst undir magaermaraðgerð árið 2015 og grenntist hratt í kjölfar hennar, en hún léttist yfir 100 kíló.
June, 44 ára, birti myndskeið á Instagram-síðu sinni á þriðjudag og tilkynnti fylgjendum sínum að hún hafi hafið lyfjameðferð til að léttast á ný. Hún sprautar sig daglega með Semaglutide, en það er lyf sem er notað við sykursýki af tegund II.
Raunveruleikastjarnan sagðist hafa byrjað að bæta á sig í byrjun síðasta árs, þegar dóttir hennar Anna „Chickadee” Cardell greindist með nýrnahettukrabbamein, illkynja krabbamein sem vex inn í nærliggjandi heilbrigðan vef og truflar starfsemi vefjarins. Cardell lést af völdum sjúkdómsins í desember.
„Þessu tímabili fylgdi álag og streita. Ég leitaði huggunar í skyndibitamat og áður en ég vissi af var ég búin að þyngjast um 50 til 60 kíló,“ sagði June meðal annars.
Engin læknisþjónusta á heilsugæslunni í verkfalli
Oddvitaviðtöl í Reykjavík suður
Ný könnun: Sjálfstæðisflokkur dalar enn
Kvikusöfnun 80% af því sem var fyrir síðasta gos
Endurskoða starfsleyfi bálstofu kirkjugarðanna
Bindur vonir við að koma fjárlögunum í gegn
Víðir gerir upp mistök frá covid-tímanum
Erfiðara mun reynast að verja Svartsengi