Nýja plata tónlistarkonunnar Taylor Swift, The Tortured Poets Department, hefur slegið hlustunarmet Spotify yfir flestar hlustanir á einum degi. 

Þá sló hún annað met, sem sá staki listamaður sem hefur fengið flestar hlustanir á einum degi á Spotify. 

Nýja plata Swift kom út í gær, en BBC greinir frá. 

31 nýtt lag 

Platan inniheldur 31 nýtt lag. Í fyrstu voru einungis gefin út sextán lög en örfáum klukkustundum síðar gaf tónlistarkonan út 15 lög til viðbótar, öllum að óvörum. 

Swift er sögð opinbera reiði sína í garð fyrrverandi elskhuga og ástarsorg á nýju plötunni. Kunnuglegt stef í tónlist stórstjörnunnar. 

Ástarsambönd söngkonunnar hafa verið mikið til tals að undanförnu eftir að hún og breski leikarinn Joe Alwyn hættu saman eftir liðlega sex ára samband.

Frétt af mbl.is

Taylor Swift hætt með kærastanum

Kaflaskil í lífi Taylor 

Taylor hefur gefið það út í tengslum við plötuna að platan væri ákveðin kaflaskil í lífi hennar: „Þessi kafli er kominn á bak við lás og slá. Ég hef einskis að hefna, einskis til að semja til sáttar, sárin hafa gróið,“ er haft eftir söngkonunni í umfjöllun BBC. 

Eftir sambandslit Swift og Alwyn tók hún saman við söngvara hljómsveitarinnar The 1975, Matt Healy, en það samband varði einungis í rúman mánuð. Sambandið kom mörgum aðdáendum söngkonunnar að óvörum. 

Frétt af mbl.is

Taylor Swift orðin einhleyp á ný

Nú hefur Swift tekið saman við NFL-meistarann Travis Kelce og vakið mikla athygli fyrir.

Frétt af mbl.is

Sigurkossinn sem allir biðu eftir

Tengdar fréttir

Ást í Hollywood

Billie Eilish opnar sig um ástarlífið

• Depp slær sér upp með ungri fyrirsætu
• Censori gæti endað á lista yfir kynferðisafbrotamenn
• Eddie Murphy kvæntist ástinni sinni
• Giftu sig í leynilegri athöfn

» Fleiri tengdar fréttir

Tónlist

Bríet og Birnir á nýrri tónlistarhátíð

• Hegðun Roberts vakti athygli á tónleikum
• Myndband við þjóðhátíðarlagið 2024 er komið út
• Katy Perry gefur loksins út nýja tónlist
• Halda þarf tónlistarlífinu gangandi

» Fleiri tengdar fréttir

• Blogga um frétt