Tvíburasysturnar Hrefna Ósk og Elín Hrönn Jónsdætur halda úti TikTok-reikninginum hhtwins97 þar sem þær birta skemmtileg ferða- og lífsstílsmyndbönd. Í gær birtu þær myndband frá ferðalagi í Finnlandi sem hefur vakið þó nokkra athygli á miðlinum. 

Í myndbandinu sést maður sem þær halda fram að sé tvífari skemmtikraftsins Steinþórs Hróars Steinþórssonar, betur þekktur sem Steindi eða Steindi Jr., en við myndbandið skrifuðu þær: „Finnland á sinn eigin Steinda.“

Af ummælum að dæma eru margir sammála systrunum, en myndbandið hefur fengið yfir 34 þúsund áhorf á aðeins einum sólarhring. „Ómægod haha sama glottið og allt,“ skrifaði einn notandi við myndbandið á meðan annar skrifaði: „Bíddubíddubíddu vó er þetta Steindi?!?!“

Þá var einn sem sá líka svip með finnska manninum og rapparanum Águsti Bent Sigbertssyni. „Þetta er eins og ef Bent og Steindi eignuðust barn,“ skrifaði hann. 

Tengdar fréttir

TikTok

Bella Brave er látin tíu ára að aldri

• Bitinn af rottu og slær í gegn á TikTok
• Svona brást faðir Ingileifar við kynlífssenum í bók hennar
• Embla hitti förðunardrottninguna á bak við Huda Beauty
• Gekk í tvo tíma að Leifsstöð: Leigubíllinn of dýr

» Fleiri tengdar fréttir

• Blogga um frétt