Hollendingurinn mætti í eftirpartíið
Setja bókamerki
/frimg/1/53/24/1532482.jpg)
Hollenski Eurovision-farinn Joost Klein mætti í eftirpartíi úrslitakeppninnar þrátt fyrir að hafa verið vísað úr keppninni í ár eftir ógnandi hegðun í garð starfsmanns baksviðs.
Sænska fréttablaðið Aftonbladet greinir frá. Þar er einnig vakin athygli á því að föruneyti söngvarans sé á leiðinni heim til Hollands en ekki söngvarinn sjálfur.
Joost Klein neitaði að svara fyrirspurnum sænska miðilsins.
Vikið úr keppni
Hollendingnum var vikið úr keppninni, þar sem sænska lögreglan hafði verið með til rannsóknar ógnandi hegðun Kleins í garð konu sem er starfsmaður framleiðsluteymis. Var þetta í fyrsta sinn í sögu Eurovision sem keppanda var vísað úr keppni á þessu stigi keppninnar.
Hollenska sjónvarpsstöðin Avrotros kom Klein til varnar, sagði að hann hafi ekki komið við konuna, en hafi hreyft sig á ógnandi hátt vegna þess að hann hefði þegar gefið til kynna að hann vildi ekki láta mynda sig. Avrotros telur refsinguna vera mjög þunga og óhóflega.
Aftonbladet vísar í upplýsingar frá lögreglunni að búið sé að ræða við alla sem eiga aðild að málinu og að rannsókn miði vel.
„Tímabil aukinnar eldvirkni“
Var engin kristnitaka árið 1000?
Beint: Ný ríkisstjórn tekin við völdum
Lát hjóna í Neskaupstað: Ákæra gefin út
„Mér finnst gamla Samfylkingin komin aftur“
Fyrsti blaðamannafundurinn í heild sinni
Forstjóri bendir á ábyrgð birgja vegna verðhækkana
