Edan Golan, fulltrúi Ísraels í Eurovision, tileinkar þátttöku sína í keppninni þeim gíslum sem hryðjuverkasamtökin Hamas tóku 7. október. Enn eru margir gíslar í haldi Hamas.

Golan hafnaði í fimmta sæti í keppninni, en úrslitakvöldið fór fram í gær. 

Frétt af mbl.is

Sviss vann Eurovision

Í færslu á Instagram segist Golan þakklát fyrir þau forréttinda að hafa fengið að vera fulltrúi Ísraela í keppninni, sérstaklega á þessum erfiðu tímum. 

„Frá því að við byrjuðum þessa vegferð hefur markmið okkar alltaf verið að deila sterkri rödd Ísraels á einu af stærstu sviðum heims og ég tel að við höfum náð því. Að segja að þetta hafi verið auðvelt væri lygi, en stuðningur ykkar og ást gaf mér styrk til að halda áfram,“ skrifar Golan.

Þá þakkar hún öllum sem greiddu henni atkvæði.

Tengdar fréttir

Eurovision

Kostnaðurinn 175 milljónir

• Mun færri horfðu á Eurovison
• EBU megi fara til fjandans
• Dulin skilaboð frá portúgalska keppandanum
• Hollendingurinn mætti í eftirpartíið

» Fleiri tengdar fréttir

• Blogga um frétt