Baltasar og Jason Statham í eina sæng

Stórleikarinn Jason Statham fer með aðalhlutverk í nýrri kvikmynd sem Baltasar Kormákur leikstýrir. Titill kvikmyndarinnar hefur ekki verið gerður opinber, en það er Black Bear sem framleiðir myndina. 

Verður hún kynnt í vikunni á markaðshluta Cannes-kvikmyndahátíðarinnar. 

Deadline greinir frá og segir að tökur á kvikmyndinni muni fara fram í tökuveri RVK Studios í Reykjavík. Eru þær sagðar munu hefjast í nóvember á þessu ári. Ward Parry skrifar handritið að myndinni.

Statham og Baltasar eru báðir titlaðir framleiðendur myndarinnar ásamt fleiri reyndum kvikmyndaframleiðendum. 

• Blogga um frétt