Steve Buscemi kýldur á götu í New York
Leikarinn Steve Buscemi hefur leikið í nokkrum af vinsælustu kvikmyndum allra tíma og má þar nefna Reservoir Dogs, Fargo, The Big Lebowski og Pulp Fiction.
mbl.is/AFP
Setja bókamerki
Bandaríski stórleikarinn Steve Buscemi lenti í leiðindaatviki á miðvikudag.
Buscemi var á göngu um götur New York-borgar ásamt ónefndri konu þegar hann var kýldur í andlitið. Árásin var tilefnislaus og ekki er vitað hvað árásarmanninum gekk til en Buscemi þekkti manninn ekki neitt.
Að sögn vitna þá gekk árásarmaðurinn rakleiðis upp að Buscemi og kýldi hann í andlitið. Við það féll leikarinn í götuna og var í kjölfarið fluttur á Bellevue-sjúkrahúsið þar sem gert var að sárum hans, en hann hlaut minniháttar skurði, skrámur og áverka.
Árásarmaðurinn flúði af vettvangi og er enn leitað.
Árásir sem slíkar hafa færst í vöxt á síðustu árum en leikarinn Rick Moranis varð fyrir fólskulegri árás í New York-borg árið 2020.
„Við erum bara ekki nógu mörg“
Svandís: Skuli stefnt að kosningum í vor
Skýr skilaboð um að flýta vinnunni
„Ekkert okkar vilji afskrifa Reykjanesskagann“
„Svarið er held ég flestum augljóst“
„Hér eru tveir flugvellir“
„Hafði vissulega mikil áhrif á kerfin okkar“