Handtóku mann sem er grunaður um árásina

Lögreglan í New York í Bandaríkjunum hefur handtekið mann sem grunaður er um að hafa ráðist á leikarann Steve Buscemi.

Lögreglan nafngreindi ekki manninn en hefur áður gefið út að maður að nafni Clifton Williams liggi undir grun.

Greint var frá því á dögunum að Buscemi hefði verið kýldur í andlitið þar sem hann var á göngu um götur borgarinnar. Leikarinn var í kjölfarið fluttur á sjúkrahús þar sem gert var að sárum hans. Hlaut hann minniháttar skurði, skrámur og áverka. 

Árásarmaðurinn flúði vettvang en árásin virðist hafa verið tilefnislaus. 

Frétt af mbl.is

Steve Buscemi kýldur á götu í New York

• Blogga um frétt