Alexandra greifynja hefur breytt nafni sínu. Hún hefur skipt út millinafninu sínu Christina fyrir Emiliah. Þetta herma heimildir danska fjölmiðilsins Se&Hør.
Alexandra var áður gift Jóakim Danaprins, bróður Friðriks kóngs.
Ástæða nafnabreytingarinnar er afar sérstök. Svo virðist sem greifynjan hafi heillast mjög af talnaspeki og samkvæmt fræðunum er nafnið Emiliah betra fyrir líf hennar en Christina. Nýja nafninu fylgir hærri tíðni sem hámarkar þannig árangur hennar í lífinu.
Nafninu hefur verið formlega breytt og í þjóðskrá heitir hún því nú Alexandra Emiliah. Talsmaður greifynjunnar staðfestir nafnabreytinguna en vill hins vegar ekki tjá sig nánar um ástæðuna sem liggur þar að baki.