Eftirminnilegt atvik átti sér stað á tónleikum söngkonunnar Adele í Las Vegas í gær þegar öskur frá salnum vakti athygli hennar meðan hún talaði milli laga.
1. júní markar upphaf svokallaðs „Pride“- mánaðar í Bandaríkjunum, en júní mánuðurinn er helgaður því að fagna LGBTQ-samfélaginu og líkist því að einhverju leyti fyrirkomulagi hinsegin daga sem haldnir eru í ágúst ár hvert.
Adele virðist þá hafa misheyrt öskur eins aðdáanda sem hleypti út úr sér: „Work sucks“, þ.e. staðhæfingu um að vinna sé ömurleg. Söngkonan misheyrði þetta hins vegar og hélt að hann hefði sagt: „Pride sucks“, og án þess að hika gerði Adele hlé á ræðu sinni til að svara manninum fullum hálsi.
Adele calls out someone in the audience after hearing "Pride sucks” tonight at #WeekendWithAdele.#PrideMonth pic.twitter.com/o5KO88eng0
— Adele Daily (@adeledailynet) June 2, 2024
„Hvað sagðirðu? Pride sökkar? Komstu bara á tónleikana til að segja að Pride sé ömurlegt? Ertu fokking heimskur? Ekki vera svona fáránlegur.“ Þá bætti hún snögglega við: „Ef þú hefur ekkert fallegt að segja, haltu þá kjafti, allt í lagi?“
Atvikið var tekið upp og í myndbandinu má sjá söngkonuna halda síðan áfram með tónleikana.
Aðdáendur sem voru viðstaddir tónleikanna hafa síðan tekið upp hanskann fyrir manninn á samfélagsmiðlinum X og reynt að leiðrétta misskilninginn. Einn þeirra deildi myndbandi þar sem heyra má hátt og skýrt að jú, vinnan „sökkar, ekki Pride.
Söngkonan hefur ekki brugðist við leiðréttingunni.