Tón­list­armaður­inn Pat­rik Snær Atla­son, bet­ur þekkt­ur sem Prettyboitjokko, ætlar að gera aðra tilraun til að halda útgáfutónleika fyrir nýju plötuna sína PBT 2.0 í dag klukkan 20:00 á Reykjavíkurhöfn. Tónleikarnir áttu upprunalega að fara fram þann 31. maí en kraftmikil vorlægð varð boðflenna og því þurfti Patrik að fresta tónleikaveislunni.

Pat­rik gaf út plötuna fyrir tveimur vikum síðan en hún hef­ur fengið frá­bær­ar viðtök­ur. Um er að ræða níu laga skífu þar sem meðal ann­ars tón­list­ar­kon­an Guðlaug Sól­ey Hösk­ulds­dótt­ir, oft­ast kölluð Gugusar, syng­ur með Pat­rik í lag­inu Horf­ir á mig.

Frétt af mbl.is

Patrik gaf út nýja plötu á miðnætti

Patrik býður öllum gestum ókeypis á tónleikana en þeir munu fara fram hjá hvalaskoðunarfyrirtækinu Eldingu. Svo virðist sem Pat­rik muni spila á skipi á tón­leik­un­um og því munu áhorf­end­ur geta notið sjón­arspils­ins og dansað við tón­list­ina á bryggj­unni. 

Frétt af mbl.is

Patrik heldur útgáfutónleika á Reykjavíkurhöfn

Einnig heldur Patrik útgáfutónleika í Kaupmannahöfn þann 21. júní en tóleikagestir þar fá líka að njóta tónlistarinnar að kostnaðarlausu. 

Patrik lofar betra veðri í kvöld en 31. maí og búast má við skrautlegum tónleikum hjá honum. 

Tengdar fréttir

Tónlist

Eminem gerði allt vitlaust

• Laufey er ekki hrifin af karlmönnum í hælasokkum
• Setti Íslandsmet á Paralympics og undirbýr nú stórtónleika
• „Ég hef alltaf haft gaman af epískum tónverkum“
• Jökull fer með hlutverk í Glæstum vonum

» Fleiri tengdar fréttir

• Blogga um frétt