K-Pop stjarna klárar herþjónustu
Setja bókamerki
Elsti liðsmaður vinsælu K-Pop strákasveitarinnar BTS hefur lokið herþjónustu sinni í Suður-Kóreu.
Hljómsveitin kom heiminum á óvart árið 2022 þegar hún tilkynnti að sveitin ætlaði að taka sér hlé á hápunkti frægðarinnar til þess að sinna 18 mánaða langri herþjónustu sem er skyldubundin í landinu.
Hinn 31 árs gamli Jin kvaddi félaga sína í hernum fyrir utan herstöðina í Yeoncheon í gær.
1.000 aðdáendur fá að faðma stjörnuna
Þó nokkrir af liðsmönnum BTS óskuðu eftir dagsleyfi frá herþjónustu til að fagna áfanga Jin. Þeirra á meðal rapparinn RM sem tók á móti félaganum og lék stærsta smell hljómsveitarinnar Dynamite á saxófón fyrir utan herstöðina.
Jin var fyrstur BTS-liða til að ganga í herinn, en búist er við því að hljómsveitin geti komið saman á ný árið 2025, er hinir hafa lokið sinni herþjónustu.
Hyggst Jin fagna útskriftinni í dag með stórum viðburð í höfuðborginni Seoul þar sem hann mun stíga á svið og hitta aðdáendur sína.
Hefur útgáfufyrirtæki hljómsveitarinnar Hybe valið 1.000 aðdáendur sem fá tækifæri til að faðma Jin.
„Börn heima sem maður myndi vilja hafa í skjóli“
Beint: Ný ríkisstjórn tekin við völdum
Bjarni: „Útilokað að þetta geti gengið upp“
Funda með þingflokkum
Forstjóri bendir á ábyrgð birgja vegna verðhækkana
Stormur á Þorláksmessu en víðast hvar stefnir í hvít jól
