Belgíska prinsessan Astrid heimsótti Noreg í dag ásamt sendinefnd en henni til móttöku voru meðal annars Marta Lovísa prinsessa og Durek Verrett unnusti hennar.

Tilgangur heimsóknarinnar var meðal annars að kynna belgískar hestaíþróttir og heimsótti prinsessan í tengslum við það þema hesthús Gulliksen-fjölskyldunnar í Lier, litlu bæjarfélagi suður af höfuðborginni Ósló.

Þriggja daga heimsókn

„Sá heiður veitist ekki öllum að fá konungborið fólk á sinn bæ, þetta er stór áfangi fyrir okkur,“ sagði Geir Gulliksen eigandi hesthússins í samtali við norska ríkisútvarpið NRK.

Í föruneyti Astridar eru 400 fulltrúar belgísks viðskipta- og menningarlífs sem er ein stærsta sendinefnd sem Belgar hafa sent á erlenda grund. Dvelur hópurinn í Noregi fram á miðvikudag og hittir fjölda hugsanlegra framtíðarviðskiptavina meðan á dvölinni stendur.

NRK

Tengdar fréttir

Kóngafólk í fjölmiðlum

Á að hafa eytt mikilvægum gögnum

• Eiginkonan tjáir sig í fyrsta sinn eftir skilnaðinn
• „Það mun éta þig upp að innan“
• 84 ára fyrrverandi eiginmaður Camillu kominn á fast
• Anna prinsessa dvelur enn á spítala

» Fleiri tengdar fréttir

• Blogga um frétt