Villi, Karlotta og Georg hittu Taylor Swift

Vilhjálmur prins og Katrín prinsessa fóru með börnin sín, Karlottu prinessu og prins Georg á tónleika með söngkonunni Taylor Swift í London og virðast hafa skemmt sér vel. 

Kóngafólkið birti mynd af sér með Swift á Instagram fyrr í dag. Þar að auki birti Swift mynd af sér Vilhjálmi, Karlottu, Georg og Travis Kelce. Kelce er kærasti Swift og er leikmaður Kansas City Chiefs í bandarísku NFL-deildinni í ruðningi. 

Fjölskyldan virðist hafa ákveðið að gera sér glaðan dag og skella sér á tónleikana í tilefni af afmæli Vilhjálms, sem var í gær, ef marka má afmæliskveðju Swift til prinsins á Instagram. 

Swift er um þessar mundir á tónleikaferðalagi um Evrópu en fyrstu tónleikar hennar af þremur í London fóru fram í gærkvöldi. 

• Blogga um frétt