Hljómsveitin Kaleo hitti stórstjörnuna Cher á dögunum. Greindu þeir frá atvikinu á Instagram-síðu sinni en þeir fengu mynd af sér með söngkonunni.
Söngkonan sem er 78 ára leit ekki út fyrir að vera deginum eldri en félagarnir í Kaleo. Segja má að Cher sé goðsögn í lifandi lífi. Hljómsveitin Kaleo hefur þó líka gert það gott og hafa verið að spila á tónleikum í Bandaríkjunum að undanförnu.
Það er nokkuð ljóst að margir hefðu viljað vera í sporum Jökuls og félaga í Kaleo. Tónlistarmaðurinn Friðrik Ómar Hjörleifsson er til að mynda einn þeirra sem skrifar athugasemd við myndina. „Alvöru,“ skrifar hann.