Anna prinsessa „hefur það gott“ að sögn eiginmanns hennar, eftir að hafa hlotið minniháttar höfuðmeiðsl og heilahristing á landareign sinni, sem talið er að hestur hafi orsakað.

Sir Tim Laurence undiraðmíráll heimsótti Önnu prinsessu, sem er 73 ára, á Southmead-spítalann í Bristol í tvær klukkustundir í dag.

Þegar hann var að yfirgefa aðalinngang sjúkrahússins um klukkan 14 sagði hann: „Henni fer fram, hægt en örugglega.“  

BBC greinir frá.

Talin ná sér að fullu

Þetta er annar dagurinn sem prinsessan dvelur á spítalanum en hún var lögð þar inn á sunnudag í kjölfar slyss á landareign sinni í Gloucesterskíri.

Spurður hvort hann hafi fært prinsessunni eitthvað, svaraði Sir Tim: „Bara eitthvað smávegis af góðgæti að heiman.“

Anna Prinsessa er talin muni ná sér að fullu en ljóst er að hún mun missa af ríkisveislu með keisara og keisaraynju Japans síðar og ferð hennar til Kanada þessa viku hefur einnig verið frestað.

Prinsessan hefur ekki getað munað smáatriði af því sem gerðist á sunnudagskvöld vegna heilahristings.

Tengdar fréttir

Kóngafólk í fjölmiðlum

Á að hafa eytt mikilvægum gögnum

• Eiginkonan tjáir sig í fyrsta sinn eftir skilnaðinn
• „Það mun éta þig upp að innan“
• 84 ára fyrrverandi eiginmaður Camillu kominn á fast
• Kristján krónprins hærri en Friðrik kóngur

» Fleiri tengdar fréttir

• Blogga um frétt