Shifty Shellshock, söngvari hljómsveitarinnar Crazy Town, er látinn. Shellshock var 49 ára þegar hann lést. Hljómsveitin Crazy Town var þekktust fyrir smellinn Butterfly.
Shellshock, sem hét réttu nafni Seth Binzer, lést á heimili sínu á mánudaginn að því fram kemur á vef Variety. Dánarorsök Shellshock er enn óljós. Shellshock hafði þó verið opinn með fíknivanda sinn.
Shellshock hitti Bret Mazur árið 1992 en saman stofnuðu þeir Brimstone Sluggers. Árið 1999 var nafninu breytt í Crazy Town og á sama tíma höfðu fleiri bæst í hópinn. Sama ár fór hljómsveitin á tónleikaferðalag með Red Hot Chili Peppers. Í október árið 2000 kom út vinsælasta lag Crazy Town, lagið Butterfly. Í laginu má heyra Shellshock rappa eftirminnilega: „Come my lady, come-come my lady, You’re my butterfly, sugar baby.” Árið 2002 kom út önnur plata Crazy Town en í kjölfar þess að platan náði ekki miklum vinsældum hætti bandið störfum.
Hér fyrir neðan má sjá myndbandið við lagið Butterfly sem var helsti smellur Crazy Town.